Во 2015-та година на Скопје му недостасуваше место каде брзо-растечката заедница свесна за своето здравје, со желба за здрав избор во исхраната и фитнесот, ќе може да седне и нарача оброк со точно пресметани нутритивни вредности. Поточно – да ја знае секоја состојка која ја внесува во телото.

На пазарот презаситен со ресторани за брза храна, Fitness House дојде како освежување со своите внимателно приготвени оброци, свежи состојки и здрави комбинации од вкусови. На наше огромно задоволство, дури и најпребирливите клиенти ни ја поддржаа и одобрија идејата – со тоа што ни ја дадоа довербата да ги планираме нивните оброци и ужини за секој дел од денот.

Од тогаш до денес, наша најважна цел е да создадеме здрави навики кај секој човек од млади години и да го промениме начинот на кој се гледа кон здравата храна. Fitness House е место со менталитет со БРЗО сервирање на исклучиво ЗДРАВА храна.

Се прилагуваме на сечиј распоред, се наоѓаме како „прва помош“ кога денот е хаотичен и недостасува време за готвење, па дури и кога обврските налагаат да се јаде на брзина. Идејата на Fitness House е да не оставиме простор за изговор и компромис кога имате потреба од квалитетен оброк.